z_dyht

Мастацкі твор кажа вам, кім ёсьць вы (с)

Займаючыся каханьнем з жанчынай, ты бярэш рэванш за свае колішнія паразы (с)

Прыгожую жанчыну немагчыма убачыць. Убачыць патаемнае за выдатнай абалонкай перашкаджае бар'ер прыгажосьці... (с)

Кожны раман набывае новы сэнс праз 10 гадоў (с)

Старасьць не для хлюпікаў (с)

Прыгожы фільм па раману Філіпа Рота ("The Dying Animal"). Раней я яго не глядзеў. З Пенелопай - узорам  "высакароднае строгасьці". :) Шчыра, але нанач дарма паглядзеў. Палю. Закранула, халера...

А пайшлі ў кіно!
Хочацца сядзець у цёмнай залі поплеч зь незнаёмай жанчынай і ні аб чым ня думаць ці, калі думаць, дык толькі аб тым, аб чым думаецца поплеч зь незнаёмай жанчынай у цёмнай залі.
Можна і не ў апошнія шэрагі. Бяз розьніцы - якая фільма
Я часта засынаю ў кінатэатрах, так што незнаёмкі не рызыкуюць, што я распушчу свае распусныя рукі. Мне важна, як мне сьпіцца побач з вамі.
А вы, калі вас не закосіць кінасюжэт, можаце прыслухацца, як я дыхаю, падгледзець, у які бок хіліцца мая галава, як я раблюся бездапаможным, як мне прыемна зараз ня думаць побач з незнаёмай жанчынай...
Магчыма, вы не вытрымаеце і зьбяжыце з паловы стужкі, а я прачнуся індзейцам-кілерам Мікі Руркам, расчуленым да сьлёз, і дацягну да тытраў. А потым выйду ў ліпеньскі вечар і прыпалю.
Пайшлі? ;)

Тупыя, атрутныя думкі аб безграшоўі.
Іронія, агу!!!
Сьвяты Францішак вуснамі Мікі Рурка з экрана: "Беднасьць забяспечвае свабоду..." ("Францыск", 1989)
Будзем вучыцца ў камянёў.
І - марш спаць!

Досі ўжо еньчыць! Калі завезьці ў айчынныя крамы крыху алькагалізаванага малака, дык абыдземся і ўнутранымі рэсурсамі.
На ўсялякі выпадак - рэцэпт ад братоў Коэнаў і "Вялікага Лябоўскага": кактэйль WHITE RUSSIAN - 2 часткі гарэлкі, 1 ч.  кававага лікёру і 1 ч. вяршкоў. Плюс марыхуЯна, зразумела;). Замест вяршкоў - сырадой, а лікёрам лепш проста запіваць. Зрэшты, учора беларуска-малдаўскі каньяк заядалі дзеравенскай сьмятанай (мой шэф увесь вечар каламбурыў і называў гэта сьметаньякам). Прэлесьць!!!

Праграма фестывалю і кантакты:http://signis.by/sig/content/view/78/104/lang,by/
http://signis.by/sig/content/view/25/39/lang,by/
Калі хто ня ведае, гэта Міжнародны каталіцкі фестываль хрысціянскіх фільмаў і тэлепраграм, які праходзіць штогод (сёлета ў 5 раз) у Глыбоцкім раёне (в. Удзела).
Хто, дарэчы, паедзе?..

"Я стары пабіты шмат мяса... Так, я адзінокі. Толькі ня трэба мяне ненавідзець" (с)
Як па мне, дык цудоўны фільм. Рурк сапраўдны баец і мужык.
Аж спаць расхацелася...
А як вам?

Пасьля прагляду браўнаўскіх "Анёлаў і дэманаў". Ну што тут казаць? Па-майстэрску склёпаны фільм. Але ня больш за тое. Ніякіх параўнаньняў з ідыёцкім "Кодам Да Вінчы". Хэнкс руліць. Пра зьмест, праўда, лепш прамаўчу. А, на дзіва, зачапіла драбяза. Кардыналы, якія пасьля сьмерці Папы, зьбіраюцца на канклаў, пакурваюць сабе звычайныя цыгарэты. Ці такое можа быць насамрэч? Проста цікава. :) Я ж сам курэц яшчэ той ;)

Цікава та тэму "Анёлаў..." выказаўся  sviatar http://sviatar.livejournal.com/22549.html

Здараюцца сытуацыі, калі чыста адно сузіраньне жаночай прыгажосьці парадкуе хаос у тваёй мазгаўні й суладжвае душу з сусьветам ...
І адкуль толькі ўзяліся на гэнай грэшнай зямлі гэтыя спрытныя стварэньні??? ))) Бог ёсьць!

паглядзеў "Герцагіню". Найтлі - анёлападобная ; )

http://magazines.russ.ru/inostran/2008/12/mak1.html


фотку з  http://www.kinopoisk.ru/

Першае кіно, што паглядзеў у 2009-м. "Эксперымент-2: Хваля". Як лёгка стаць дыктатарам. Асабліва калі ты - педагог. Як соладка быць фюрэрам! Рэкамендаваць для прагляду ў старэйшых клясах навучальных установаў РБ.

Юрген Фогель: "Я зайшоў занадта далёка..."

Ці глядзець кіно ўначы? Думаю. "Фландрыя" Бруно Дзюмона. Выпальваю ўжо другі пачак цыгарак.
Нешта б'е мяне трывога. Па нагох.
Я сёньня сабе прызнаўся: я баюся "ментов".
Думаю з дурдома "Славянскага базару" зьехаць у якую-небудзь цішыню.
Куды?